Donald Tramp "Superintellekt Qüvvələri" yaradıb

News.ru xəbər verir ki, ABŞ prezidenti Donald Tramp sosial şəbəkədə "Superintellekt Qüvvələri"nin yaradıldığını açıqlayıb. Yeni dövlət strukturu hökumət orqanları ilə qabaqcıl texnologiya inkişaf etdirən müəssisələr arasında əməkdaşlığı koordinasiya edəcək.

Tramp bildirir ki, bu yeni qurum həyati vacib obyektlərin operatorları ilə də sıx əməkdaşlıq funksiyasını öz üzərinə götürəcək.

Əvvəlcə Tramp süni intellektin adının rəsmi olaraq dəyişdirilməsi barədə saziş imzaladığını açıqlayıb. Yeni termin kimi "superintellekt" istifadə ediləcək.

İTMO Universitetinin magistr proqramı üzrə rəhbər və proqram mühəndisliyi fakultəsinin dosenti Aleksandr Kuqayevski isə deyib ki, Trampın bu təşəbbüsü şəxsi reklam məqsədilədir və prezident tez-tez belə ifadələr istifadə edir, məsələn "super-duper raket" kimi.