Dneprdə dron hücumu biznes mərkəzində yanğına səbəb oldu

Ukrainskaya Pravda yazır ki, oktyabrın 3-nə keçən gecə Rusiyanın işğalçı ordusu reaktiv pilotsuz uçan aparatla Dneprin mərkəzinə hücum edib.

Nəticədə biznes mərkəzinin damında yanğın yaranıb. Hadisə yerinə tezliklə xilasedicilər gəlib və yanğını söndürüb.

Dnepropetrovsk vilayəti hərbi administrasiyasının rəhbəri Aleksandr Ganja bildirib ki, zərərçəkən olmayıb.

Dnepr meri Boris Filatov əlavə edib ki, qırıqlar şəhər sovetinin binası yaxınlığındakı parkinqə düşüb.

Yerli KİV-lər partlayış səsindən xəbər verir, həmin vaxt hava qüvvələri düşmənin reaktiv pilotsuz aparatının şəhərə doğru uçduğunu bildirib.

Ötən gün axşam, oktyabrın 2-də Rusiyanın hücumu nəticəsində Dneprdə üç qadın yaralanıb.