Dmitri Medvedev Yaxın Şərqin təhlükəsizliyini dəyərləndirdi

News.ru yazır ki, Rusiya Təhlükəsizlik Şurasının sədr müavini Dmitri Medvedev İslam Respublikasının Dövlət Televiziya və Radio Kompaniyasına verdiyi müsahibədə Yaxın Şərqdə bütün təhlükəsizlik təminatı mexanizmlərinin demək olar ki, məhv olduğunu bildirib.

Medvedev regionda vəziyyətin son dərəcə gərgin olduğunu qeyd edib və bu səbəbdən yeni təhlükəsizlik strukturlarının yaradılmasının zəruri olduğunu vurğulayıb. Onun sözlərinə görə, bu strukturların formalaşması ilə bağlı detallar gələcəkdə aydın olacaq.

Medvedev əlavə edib ki, Rusiya bu il may ayında İrana kollektiv təhlükəsizliyin təmin olunması ilə bağlı bir sıra təkliflər göndərib.

O vurğulayıb ki, bütün təhlükəsizlik mexanizmlərinin müzakirəsi açıqdır, lakin bunun üçün bölgədə ilkin etimadın bərpası vacibdir. Hazırda etimad səviyyəsinin çox aşağı olduğunu qeyd edib.