Bret nefti ilk dəfə 20 maydan sonra barel başına 110 dollara qalxıb

Londondakı ICE birjasında Brent neftinin qiyməti 20 may 2026-cı ildən ilk dəfə olaraq barel başına 110 dollar (9089 rubl) olub. Bu, 2026-cı ilin dekabr təchizatlı Brent fyuçerslərinə aiddir.

21:32 Moskva vaxtı Brent fyuçerslərinin qiyməti 3,85 faiz artaraq hər barel üçün 110 dollara çatıb. Sonradan qiymət artımı zəifləyib. 22:00-da Brent nefinin qiyməti 109,61 dollar (9006 rubl) olub və bu, əvvəlki səviyyədən 3,48 faiz yüksəkdir.

Eyni vaxtda WTI neftinin qiyməti də yüksəlib. Noyabr təchizatlı fyuçerslərin qiyməti 2,57 faiz artaraq 22:00-da barel başına 98,98 dollar (8097 rubl) olub.

Saudi Aramco neft-qaz şirkətinin direktoru Amin Nəsər bildirib ki, hazırda dünya neft ehtiyatları "təhlükəli dərəcədə aşağı" səviyyədədir. Onun sözlərinə görə, Yaxın Şərqdə davam edən münaqişə vəziyyəti çətinləşdirib. Nəsər əlavə edib ki, ehtiyatların bərpası iki ilə qədər vaxt tələb edə bilər. O hesab edir ki, İran ətrafındakı münaqişənin eskalasiyası neft təchizatını 3 milyard barel azaldıb.