"Boeing" və "Lockheed Martin" şirkətləri 14,7 mlrd dollarlıq müqavilə imzalayıblar

Yeniliklərdən dərhal xəbərdar olun!

"Boeing" və "Lockheed Martin" şirkətləri "PAC-3 Missile Segment Enhancement (MSE)" istehsalını və təchizatını genişləndirmək üçün təxminən 14,7 milyard dollar dəyərində yeddi illik müqavilə imzalayıblar.

"Reuters"in "Reuters"ə istinadən məlumatına görə, bu barədə "Boeing" şirkətinin açıqlamasında bildirilir.

Qeyd olunur ki, saziş şirkətə PAC-3 MSE-nin özünü yönəldən başlıqlarının istehsalını üç dəfə artırmağa imkan verəcək - bu raketlərin yönləndirilməsi sisteminin komponentidir, yaxınlaşan hədəfləri aşkarlayır, izləyir və onların vurulmasına kömək edir.

Yanvarda "Lockheed Martin", ABŞ Müdafiə Nazirliyi ilə PAC-3 tutucu raketlərinin illik istehsal gücünü 600-dən 2 000 ədədə qədər artırmaq üçün yeddi illik çərçivə müqaviləsi elan edib.

Bu müqavilələr Tramp administrasiyasının ABŞ silah istehsalını artırmaq üçün daha geniş miqyaslı təşəbbüsünün bir hissəsidir.