Barak Netanyahuya qarşı seçkiləri təxirə sala biləcək müharibə barədə danışdı

Anadolu Ajansı yazır ki, İsrailin keçmiş Baş naziri Ehud Barak Kanal 12 telekanalına müsahibəsində bildirib ki, hazırkı Baş nazir Binyamin Netanyahu seçkiləri təxirə sala biləcək bir müharibəyə zərurət yaradır.

Barak Netanyahuya qarşı sərt tənqidlər səsləndirib və onun əvvəlki açıqlamalarını xatırladıb. O, Netanyahuya istinadla deyib: “Bir xalqın həyatı, baş nazirin şəxsi təhlükəsizlik yolu deyil.”

Barak eyni zamanda vurğulayıb ki, 27 oktyabrda keçiriləcək seçkilərdə Netanyahu hakimiyyətdən getməlidir və bunun üçün əllərindən gələni etməlidirlər.

Hazırda İsraildə seçkilərə az vaxt qalır və təhlükəsizlik məsələlərinin seçki kampaniyalarında istifadə edilməsi müzakirələrə səbəb olub.

Son günlərdə Netanyahu ölkəyə yönələn xarici hücum hazırlığı olduğunu və bununla bağlı göstəricilərin olduğunu bildirib. Lakin təhlükənin kimdən gələcəyi barədə məlumat verməyib. Müxalifət isə bu bəyanatı siyasi manevr kimi qiymətləndirib.