Avstraliya tarixində ilk dəfə 11 restorana Mişlen ulduzu verib

Avstraliyaya ilk dəfə Mişlen ulduzları verilib. Cənubi Avstraliya ştatında 11 restoran bu fərqlənməni əldə edib.

Adelaide şəhərində yerləşən Magill Estate Restoranı iki ulduz alan yeganə məkan olub, digər 10 restoran isə bir ulduz alıb.

Milli radiosu ABC-nin məlumatına görə, Cənubi Avstraliya hökuməti gizli müfəttişləri göndərərək restoranların qiymətləndirilməsini təmin edib. Buna görə də ölkənin digər yerləri tanınmayıb.

Elan Mişlen Bələdçisi Fransada ilk dəfə çap edilməsindən bir əsrdən çox vaxt sonra verilib. Həmçinin Avstraliyada onu qəbul etdirmək üçün illərdir uğursuz cəhdlər olub.

Mişlen milli turizm idarəsinə bu bələdçini gətirmək üçün bir neçə dəfə müraciət etsə də, nəticə əldə olmayıb.

Cənubi Avstraliya isə təkbaşına qərar verərək öz razılaşmasını əldə edib. Ştat hökuməti ödədiyi məbləği açıqlamayıb. Turizm naziri Emily Burk ABC News-ə müsahibəsində bu sərmayəni müdafiə edib.

"Bu, bizə turizm məkanı yaratmağa və dünyada tanınmağa imkan verir," – nazir bildirib.

Bu addım Mişlenin iyulda Yeni Zelandiyada genişlənməsindən sonra gəlib. Yeni Zelandiya Okeaniyada bələdçidə yer alan ilk məkan olub və üç il üçün 6,3 milyon Yeni Zelandiya dolları ödəyib.

1900-cü ildə André və Édouard Mişlen qardaşlarının yaratdığı bələdçi əvvəlcə sürücüləri səyahətə təşviq etmək və təkərlərini satmaq üçün nəzərdə tutulub. Daha sonra o, yemək və qalmaq yerləri üzrə tövsiyələr verən məşhur restorantların tanınması bələdçisinə çevrilib.

Mişlen ulduzları 1926-cı ildə tətbiq olunub və o vaxtdan bəri dünya üzrə aşpazlar və restoranlar üçün böyük fərqlənmə statusuna çevrilib.

Bir ulduz yüksək dərəcəli yeməyi, iki ulduz isə səfərə dəyər olan mükəmməl yeməyi göstərir. Üç ulduz isə xüsusi səfərə dəyər olan qeyri-adi mətbəx üçündür.

Bir ulduz almışlar arasında açıq atəşdə yemək hazırlayan Norvudda yerləşən Arkhé restoranı və Avstraliya yerli tərkibli dad sınama menyusu təqdim edən Adelaide-dəki Aptos var. Tam siyahı belədir:

Geniş bələdçidə Cənubi Avstraliyadan 70-dən çox restoran daha var. Onlardan bəziləri daha münasib qiymətlərlə yaxşı yemək təqdim edən restoranları göstərən Bib Gourmand kateqoriyası ilə tanınıb.

Video siyahısı