Ankarada qanunsuz mərclərlə bağlı 33 nəfər həbs olunub

Anadolu Ajansı yazır ki, Türkiyənin paytaxtı Ankarada qanunsuz mərclərlə əlaqədar geniş əməliyyat keçirilib.

29 sentyabrda Ankaranın Jandarma Komandanlığına bağlı Qaçaqmalçılıq və Təşkil edilmiş Cinayətlərlə Mübarizə İdarəsi tərəfindən təşkil olunmuş əməliyyatda qanunsuz mərcləri təmin edən və təşkil edən 45 şübhəli müəyyən edilib.

Sənədlərdə göstərilir ki, şübhəlilər şəxs adlarına açılan banka hesabları, SIM kartlar və mobil bankçılıq hesablarını məbləğ qarşılığında alıblar və qanunsuz mərclərdən gəlir əldə ediblər.

Həmçinin, əldə olunan gəlirlər mobil bankçılıq vasitəsilə digər şəxslərin hesablarına köçürülüb və ya həmin şəxslərin kriptovalyuta hesablarına yönəldilib.

Əməliyyat zamanı 45 şübhəlidən 36-sı saxlanılıb. Dindirilmələr əsasında araşdırmaya əlavə 7 nəfər cəlb olunub, onlardan 5-ə həbs qərarı verilib, 2-nin axtarışı davam edir.

Ümumilikdə 40 şübhəli məhkəməyə təqdim olunub, onlardan 33-ü həbs, 8-i isə məhkəmə nəzarətinə verilib. Həbsdə olan şübhələrdən biri isə videokonfrans sistemi vasitəsilə ifadə verib.