Albaniya Baş naziri tələbələrin kütləvi etirazını xarici qüvvələrin təşkil etməsini bildirdi

Albaniya Baş naziri Edi Rama getdikcə zorakı olan tələbə etirazlarına görə "xarici əlləri" ittiham edib.

Dördüncü gündür ki, təhsil nazırlığı binasının qarşısında polislə etirazçılar arasında toqquşma olub. Minlərlə gənc Albaniya paytaxtı Tirana küçələrində hökumətin korrupsiyasına və universitetlərin pis şəraitinə etiraz edib.

Rama cümə günü video müraciətində "Bu tələbə fenomeni deyil" dedi. O, "Albaniyanın sülətdə olmasını istəməyən xarici əllərin" olduğunu bildirib.

Rama etirazların "kasıbçılıq, problemlər və yaxşı həyat arzularıyla heç bir əlaqəsi olmadığını" vurğulayıb.

Polis nümayişçilərin daş atması üzündən su şırnağı və gözyaşardıcı qazdan istifadə edib.

Etirazlar paytaxtdan kənara, Elbasan, Şkodra və Korça şəhərlərinə də yayılıb. Yerli mətbuat xəbər verir ki, nümayişçilər pəncərələri sındırıb, zibil qutularını yandırıblar.

Gərginlik aylardır davam edən əsasən sakit aksiyalardan sonra yüksəlib. Etirazlar Albaniyanın sahil hissəsinin Jared Kuşnerə, ABŞ prezidenti Donald Trampın kürəkəninə məxsus lüks istirahət mərkəzinə satışından başlayıb.

Artan narazılıq banklar və hökumət binalarına yönəlib. Nümayişçilər çərşənbə axşamı təhsil nazirliyinə kərpic və beton daşları atıblar. Bundan başqa, baş nazirin ofisi, maliyyə və ədliyyə nazirlikləri, bir neçə bankın filialları kimi binalar yanıb.

Polisin açıqlamasına görə, cümə axşamı axşam naməlum zorakılıq hadisələrində iştirak edən 160 nəfər saxlanılıb.

Nümayişçilər Ramadan istefa, habelə seçki və təhsil islahatları tələb edir.

Korrupsiyaya yol vermədiyini bildirən baş nazir təhsil xərclərinin artmasına dair müzakirəyə hazır olduğunu, amma istefa çağırışlarını rədd etdiyini deyib.

O, cümə axşamı bildirib: "Mənim məsuliyyətim dinləmək, məntiqli narahatlıqları nəzərə almaq və Albaniyanı irəli aparmaqdır."

Rama əlavə edib ki, "Mənim vəzifəmdən getməyim Avropa İttifaqına üzvlük danışıqlarını başa çatdırmaq üçün mənə güclü mandat verən albanlara xəyanət olar."

Korrupsiya qalmaqalları Albaniyanın Aİ-yə qoşulmaq səylərini çətinləşdirib. Təhlilçilər deyir ki, ölkə narkotik və silah qaçaqmalçılığı ilə pul yuyulması üçün qrupların məntəqəsi olub.

Rama ötən il dördüncü dəfə seçilib və Albaniyanı 2028-ci ilə kimi Aİ-yə üzv etmək vədi verib.