Aİ diplomatik nümayəndəliyinin Kiyevdə qalacağını açıqladı

Ukrainskaya Pravda yazır ki, Avropa Komissiyasının mətbuat katibi Kristian Viqand Rusiyanın Kiyevdəki xarici diplomatlara və səfirliklərə qarşı kütləvi hücumlar etmək barədə təhdidlərinə baxmayaraq, Aİ-nin Kiyevdəki nümayəndəliyinin fəaliyyətə davam etdiyini açıqlayıb.

Viqand bildirib ki, bu, Rusiyanın əvvəllər də etdiyi təhdidlərdən biridir və Kremlin müharibədə itirdiyini göstərir. O, əlavə edib ki, Moskva Avropanı qorxutmaqla Ukraynaya dəstəyi dayandırmaq istəyir, lakin buna nail olmayacaq.

Aİ diplomatik nümayəndəliyinin fəaliyyətində heç bir dəyişiklik yoxdur. Viqand həmçinin Aİ-nin Rusiyaya qarşı tarixi ən böyük sanksiyalar paketini hazırlandığını və bu həftə Ukraynalı uşaqların deportasiyası ilə bağlı yeni məhdudiyyətlərin tətbiq edildiyini bildirib.

Viqand qeyd edib ki, Aİ Rusiyanın hərəkətlərini ifşa etməyə, təzyiqi artırmağa və Ukraynaya hərbi yardımın həcmini genişləndirməyə davam edəcək. Bu il üçün Aİ Ukraynaya 28,3 milyard avro həcmində müdafiə alışları planını təsdiqləyib və əlavə olaraq 6,6 milyard avro hərbi yardım ayırıb.

Rusiyanın Xarici İşlər Nazirliyi 3 oktyabrda xarici və diplomatları Kiyevdən və ümumilikdə Ukraynadan çıxarmağa çağırıb və Ukrayna şəhərlərinə, xüsusilə paytaxta kütləvi zərbələr endirəcəyini bildirmişdi. Rusiya xəbərdarlığına məhəl qoymayanların həyətlərini təhlükəyə atdığı vurğulanıb.

2022-ci ilin fevralında Rusiya genişmiqyaslı müharibəyə başlamazdan əvvəl bir sıra Avropa ölkələri Kiyevdəki səfirliklərini Lviv və Polşaya köçürmüşdü. 2 oktyabrda The Guardian qəzeti bir neçə qərb səfirliyinin ehtiyat planlarının olduğunu, ancaq rəsmi olaraq Kiyevdə qalmaq niyyətində olduqlarını yazmışdı. Ukrayna Xarici İşlər Nazirliyinin mətbuat katibi Georgi Tixi isə səfirliklərin köçmə planları barədə məlumatın olmadığını açıqlayıb.