Aİ 2027-ci ildə Arktikada müşahidə proqramı başlayacaq

Avropa İttifaqı Arktikada müşahidə proqramını 2027-ci ildə başlayacaq. Məqsəd regional əlaqələri yaxşılaşdırmaq və ABŞ ilə Rusiyanın artan iddialarına qarşı çıxmaqdır, - Bloomberg Aİ-nin yeni Arktika strategiyasına istinadən xəbər verir.

Sənəd növbəti həftə dərc olunacaq. Gözlənilir ki, proqram Aİ-nin Copernicus və Galileo peyk sistemlərindən istifadə edərək Arktikada torpaq və dənizdə olan təhdidləri aşkarlayacaq.

Əvvəlcə Rusiya Xarici İşlər Nazirliyinin Avropa məsələləri şöbəsinin rəhbəri Vladislav Maslennikov deyib ki, Avropa İttifaqı Arktikada eskalasiya yolunu seçmək niyyətini göstərir və ali enliklərdə əməkdaşlığın siyasilaşdırılmasından vaz keçməyə hazır deyil.