ABŞ rus gübrələrinə qarşı sanksiyaları yumşaldır

ABŞ Prezidenti Donald Tramp rus gübrələrinə qarşı sanksiyaları yumşaltmağı planlaşdırır. Kyiv Independent bunu ABŞ və Ukrayna rəsmilərinə istinadla xəbər verib. Müvafiq sərəncam yaxın günlərdə imzalana bilər.

Məlumata görə, gübrələr birbaşa sanksiyalara daxil olmasa da, bu sahə ilə bağlı bir çox bank, şəxslər və gəmilər sanksiyalara məruz qalıb. Bu səbəbdən Ağ Ev rəhbəri sahədə məhdudiyyətlərin qismən aradan qaldırılması qərarını hazırlayır.

Əvvəlcə Tramp bildirmişdi ki, əlavə rüsumların tətbiqi Ukrayna münaqişəsinin həllinə kömək etməz. Onun sözlərinə görə, ticarət həcmi bu üsulun təsirli olmasına imkan vermir.

Rusiyanın xarici işlər nazirliyin müavini Aleksandr Qruşko isə bildirib ki, Rusiya və ABŞ sanksiyalar tam ləğv olunarsa, ikitərəfli əlaqələri bərpa edə və inkişaf etdirə bilər. O, Moskvanın Vaşinqtonla münasibətləri təmiz səhifədən qurmağa hazır olduğunu qeyd edib.