ABŞ kripto varlıq bazarının tənzimlənməsi üçün təklif verdi

Anadolu Ajansı yazır ki, CFTC kripto varlıq əməliyyatlarını əhatə edən geniş bir tənzimləmə sistemi təklif edib. Bu, bazarda sui-istifadələrin qarşısını almaq, iştirakçılara xüsusi məlumatlar vermək və yeni əməliyyat platformaları kateqoriyası yaratmaq məqsədilə planlaşdırılır.

Təklifdə kripto varlıq əməliyyatlarının ölkə üzrə vahid qaydalara uyğun tənzimlənməsi, investorların qorunması və bazar şəffaflığının artırılması göstərilib. CFTC yeni yaradılacaq "kripto varlıq bazarı" kateqoriyasına daxil ediləcək birjalara əlavə öhdəliklər qoymağı planlayır.

Bu öhdəliklər arasında bazar manipulyasiyasının qarşısını almaq və müştəri aktivlərinin təhlükəsizliyini təmin edən ehtiyat sübutlarının təqdim olunması da var.

CFTC sədri Maykl Selig təklifi ABŞ-ın kripto bazarlarında liderliyini qorumaq üçün önəmli addım sayıb. O, ABŞ vətəndaşlarının bazarda aydınlıq, proqnozlaqlıq və istehlakçıların müdafiəsini gözlədiyini vurğulayıb.

Sənədlərin Federal Register-də dərcindən sonra 60 gün ərzində ictimaiyyətin fikirləri yığılacaq və komissiya bu rəyləri gələcək addımların müəyyənləşdirməsində istifadə edəcək.

Bu təklif ABŞ Senatında ötən ay rəğbət görməyən "CLARITY Act" adlı rəqəmsal aktivlərin tənzimlənməsinə dair qanun layihəsindən sonra irəli sürülüb.