ABŞ-da 16 əcnəbi seçki qanunlarını pozmaqda ittiham olunur

News.ru yazır ki, ABŞ ədliyyə nazirliyi 16 əcnəbiyə federal seçkilərdə qanun pozuntuları ilə bağlı ittiham irəli sürüb.

İttiham aktlarında qanunsuz səsvermə, saxta seçici qeydiyyatı və oxşar pozuntular əks olunub.

Həbs olunan şəxslər arasında Bəhama, Bosniya və Herseqovina, Braziliya, Qana, Almaniya, İtaliya, Kanada, Kuba, Liberiya, Litva, Meksika, Nikaraqua, Şimali Makedoniya və Cənubi Afrika vətəndaşları var.

Onların hamısı ABŞ-da sadəcə yaşama icazəsi (green card) sahibləri olub və səsvermə hüquqları olmayıb.

ABŞ rəsmiləri federal seçkilərdə seçicilərin vətəndaşlığının yoxlanmasını sərtləşdirmək üçün addımlar atır.

Əlavə olaraq, ABŞ prezidenti Donald Tramp Konqresdən bu istiqamətdə qanun qəbul etməsini tələb edir.